新快报:红军面前戴帽子哥是真潇洒!

9月19日晚,在老特拉福德上演的曼联与利物浦的英格兰德比最终以红魔鬼3∶2获胜收场,保加利亚前锋贝巴杜夫(贝尔巴托夫)包办主队三个进球,成为英超历史上首位在曼联和利物浦双红会上演帽子戏法的球员,也是64年来第一位对利物浦上演帽子戏法的曼联球员。

我撑贝巴杜夫,系欣赏佢从未怨天尤人,迪维斯截然相反嘅做派,令我丧失咗对佢最后一丝好感。贝巴杜夫唔单止波踢得好,佢愿意为集体牺牲小我更加抵赞。

曼联3∶2击败利物浦,贝巴杜夫包办全部入球,我等呢一日两年咯,好开心。我并非从一开始就争佢,严格啲讲,对佢加盟曼联不置可否。从佢投奔曼联,我一路睇住佢,唔净止佢系曼联需要嘅果一类球员,仲有围绕佢同迪维斯(特维斯)之间,长达一年嘅分歧和争拗。同当年争论C朗(C罗)喺曼联有无前途一样,无论你是否曼联趸,都难免为比较贝巴杜夫和迪维斯孰优孰劣,分裂成两大阵营。

贝巴杜夫系唔系好波?相信反对嘅人冇几个。贝巴杜夫是否好过迪维斯?见仁见智。贝巴杜夫是否适合曼联?很长一段时间,持否定意见嘅人占多数。经历漫长嘅等待同煎熬,潇洒哥终于以行动回答了各界嘅质疑,以进球回报了支持者啲信任,呢一点最重要,我最欣赏佢亦系呢个原因。

潇洒哥特点很鲜明:技术细腻,但风格偏软,放在以力量和粗犷为主流嘅英伦,唔系咁讨好,尤其喺部分言必称“血性”,热捧费查(弗莱彻)呢类球员个曼联趸眼中,贝巴杜夫往往是战绩不佳嘅替罪羊。尤其是上季作客布力般流浪(布莱克本)关系到曼联卫冕成败,佢近乎颓废嘅表现导致曼联功败垂成,令贬佢嘅人睇到眼火爆,挺佢嘅人捶胸顿足,闷到抽筋。

保加利亚前锋过去两季低迷,唔能怪嗮佢一个,佢打唔出身价当然抵打。但系加盟曼联嘅时机,费格逊(弗格森)嘅用人,仲有佢嘅伤势,都影响咗佢初期嘅发挥。C朗早走一季,曼联锋线四争三嘅格局唔会演变为迪维斯同贝巴杜夫争食。费格逊撑佢始终不渝,贝巴杜夫亦唔会如上赛季等上场等到颈长;如果唔系旧伤困扰,佢也许爆发得更早。我撑贝巴杜夫,系欣赏佢从未怨天尤人,迪维斯截然相反嘅做派,令我丧失咗对佢最后一丝好感。

贝巴杜夫唔单止波踢得好,佢愿意为集体牺牲小我更加抵赞,作为前锋,呢一点非常难得。叹够嗮C朗个人膨胀及华而不实嘅人,好难唔为贝巴杜夫舍己为人的风范感动,更难唔为佢嘅际遇鸣不平。足球系队际运动,最高境界系个人将才华融入集体,实现更高层次嘅理想同埋目标,只为自己名利双收出风头嘅人,捞得一时,捞唔到一世。就算系上演帽子戏法,贝巴杜夫喺呢场比赛中仍然以为队友创造机会为己任,有几多人能够喺压力下,仍然唔计较个人得失,咁睇得开?当今足坛,到处系为咗一己私利抢镜嘅风气,学踢波就要多啲跟贝巴杜夫学嘢。

贝巴杜夫的确有低迷嘅一面,但呢样嘢唔系罪过,输波唔能赖嗮佢一个,史上既有天赋又火爆嘅人唔多,“远古”时期有皇马嘅迪史提芬奴(迪斯蒂法诺),“中古”有阿根廷嘅当拿(马拉多纳),再近一啲有简东拿(坎通纳)。绝大部分球员都只有其中一面,求全责备,对贝巴杜夫就好唔公平。宜家,贝巴杜夫已经行出低谷,放低心魔,我期待佢将身上优秀嘅一面发扬光大。

北京时间2010年12月19日凌晨,美国著名的社交名媛、希尔顿酒店集团继承人帕里斯希…

You May Also Like

More From Author

+ There are no comments

Add yours